ಸುದ್ದಿಯಲ್ಲಿ ಏಕಿದೆ?  ಬೆಂಗಳೂರು ಉಪನಗರ ರೈಲು ಯೋಜನೆಗೆ ರೂ. 2,693 ಕೋಟಿ (300 ಮಿಲಿಯನ್ ಯೂರೋ) ಸಾಲ ನೀಡಲು ವಿಶ್ವದ ಅತಿದೊಡ್ಡ ಬಹುಪಕ್ಷೀಯ ಹಣಕಾಸು ಸಂಸ್ಥೆಯಾದ ಯುರೋಪಿಯನ್ ಇನ್ವೆಸ್ಟ್‌ಮೆಂಟ್ ಬ್ಯಾಂಕ್ (ಯುರೋಪಿಯನ್ ಒಕ್ಕೂಟದ ಹೂಡಿಕೆ ಬ್ಯಾಂಕ್) ಒಪ್ಪಿಗೆ ನೀಡಿದೆ.

ಮುಖ್ಯಾಂಶಗಳು

• ಉಪನಗರ ರೈಲಿನ ಅತಿ ಉದ್ದದ ಕಾರಿಡಾರ್‌ ಹೀಲಲಿಗೆ-ರಾಜಾನುಕುಂಟೆ ಮಾರ್ಗದ (ಕನಕ ಮಾರ್ಗ) ನಿರ್ಮಾಣವನ್ನು ಪ್ರಾರಂಭಿಸಿದೆ.
• ಈ ಅನುಮೋದನೆಯೊಂದಿಗೆ 15,767 ಕೋಟಿ ರೂ.ಗಳ ಉಪನಗರ ರೈಲು ಯೋಜನೆಗೆ ಸಾಲದ ಘಟಕವನ್ನು ಸಂಪೂರ್ಣವಾಗಿ ಸಜ್ಜುಗೊಳಿಸಲಾಗಿದೆ.
• ಮತ್ತೊಂದು ಪ್ರಮುಖ ಸಾಲದಾತ ಬ್ಯಾಂಕ್ ಆಗಿರುವ ಜರ್ಮನಿಯKreditanstalt für Wiederaufbau (KfW) ಡೆವಲಪ್‌ಮೆಂಟ್ ಬ್ಯಾಂಕ್, 2023 ರ ಡಿಸೆಂಬರ್ ನಲ್ಲಿ ರೂ. 4,552 ಕೋಟಿ (500 ಮಿಲಿಯನ್ ಯುರೋ) ಸಾಲ ಒಪ್ಪಂದಕ್ಕೆ ಸಹಿ ಹಾಕಿದೆ ಮತ್ತು ರೂ 40.96 ಕೋಟಿ (4.5 ಮಿಲಿಯನ್ ಯುರೋಗಳು) ಅನುದಾನ ನೀಡಿದೆ.

ಯೋಜನೆಯ ವಿವರ

• ಅನುದಾನ: ಯೋಜನೆಗೆ ಕರ್ನಾಟಕ ಸರ್ಕಾರ ಮತ್ತು ಕೇಂದ್ರದಿಂದ ತಲಾ ಶೇ. 20 ರಷ್ಟು ಆರ್ಥಿಕ ನೆರವು ಶೇ. ಮತ್ತು 60 ರಷ್ಟನ್ನು ಸಾಲದ ಮೂಲಕ ಸಂಗ್ರಹಿಸಲಾಗುವುದು.
• ಯೋಜನೆ ಅನುಷ್ಟಾನ: ಕರ್ನಾಟಕ ರೈಲು ಮೂಲಸೌಕರ್ಯ ಅಭಿವೃದ್ಧಿ ಕಂಪನಿ (ಕೆ-ರೈಡ್‌)
• 1 ಕಿಮೀ ಯೋಜನೆಯ ನಾಲ್ಕು ಕಾರಿಡಾರ್‌ಗಳಲ್ಲಿ ಎರಡನ್ನು L&T ಕಂಪನಿಗೆ ನೀಡಲಾಗಿದೆ.
• ಮೊದಲ ಭಾಗ ಚಿಕ್ಕಬಾಣಾ ವರ-ಯಶವಂತಪುರ ನಡುವಿನ 7.4 ಕಿ.ಮೀ. ಮಾರ್ಗದಲ್ಲಿ2025 ಡಿಸೆಂಬರ್‌ ವೇಳೆಗೆ ರೈಲು ಸಂಚಾರ ಆರಂಭವಾಗಲಿದ್ದು, ಇದರಲ್ಲಿದೇಶ ದಲ್ಲೇ ಅತಿ ಉದ್ದದ ಗರ್ಡರ್‌ ಬಳಸಲಾಗುತ್ತಿದೆ

ನಾಲ್ಕು ಉಪ-ನಗರ ರೈಲು ಕಾರಿಡಾರ್‌ ಗಳು

ಕಾರಿಡಾರ್ -1 ಬೆಂಗಳೂರು- ದೇವನಹಳ್ಳಿ(ಸಂಪಿಗೆ ಮಾರ್ಗ)

ಕಾರಿಡಾರ್ -2 ಬೈಯಪ್ಪನಹಳ್ಳಿ- ಚಿಕ್ಕಬಾಣಾವರ(ಮಲ್ಲಿಗೆ ಮಾರ್ಗ)

ಕಾರಿಡಾರ್ -3 ಕೆಂಗೇರಿ- ಬೆಂಗಳೂರು ಕಂಟೋನ್ಮೆಂಟ್(ಪಾರಿಜಾತ ಲೈನ್)

ಕಾರಿಡಾರ್ -4 ಹೀಲಳಿಗೆ – ರಾಜಾನುಕುಂಟೆ(ಕನಕ ಮಾರ್ಗ)

ಉದ್ದೇಶ: ಪ್ರತಿದಿನ ಸುಮಾರು 8.9 ಲಕ್ಷ ಪ್ರಯಾಣಿಕರಿಗೆ ಸುಸ್ಥಿರ ಸಾರಿಗೆ ಮತ್ತು ಸಾರಿಗೆ ಆಧಾರಿತ ಅಭಿವೃದ್ಧಿಯನ್ನು ಉತ್ತೇಜಿಸುತ್ತದೆ.