ಸುದ್ದಿಯಲ್ಲಿ ಏಕಿದೆ? ಜಪಾನ್-ಭಾರತ ಕಡಲ ವ್ಯಾಯಾಮ (ಜಿಮೆಕ್ಸ್) ವ್ಯಾಯಾಮದಲ್ಲಿ ಭಾಗವಹಿಸಲು ಭಾರತೀಯ ನೌಕಾ ಹಡಗು (ಐಎನ್‌ಎಸ್) ಶಿವಾಲಿಕ್ ಸಿಂಗಾಪುರದಿಂದ ಜಪಾನ್‌ನ ಯೊಕೊಸುಕಾಗೆ ಪ್ರಯಾಣ ಬೆಳೆಸಿದೆ. ನಂತರ ಇದೆ ನೌಕಾ ಹಡಗು ಯುಎಸ್ ಪೆಸಿಫಿಕ್ ಫ್ಲೀಟ್ ಆಯೋಜಿಸಿದ ಹವಾಯಿಯನ್ ದ್ವೀಪಗಳ ಸುತ್ತ ನಡೆಯುವ ರಿಮ್ ಆಫ್ ಪೆಸಿಫಿಕ್ (ರಿಂಪ್ಯಾಕ್) ಕಡಲ ವ್ಯಾಯಾಮದಲ್ಲಿ ಪಾಲ್ಗೊಳ್ಳಲಿದೆ.

ಜಿಮೆಕ್ಸ್ ವ್ಯಾಯಾಮ

ಇದನ್ನು ಭಾರತ ಮತ್ತು ಜಪಾನ್ ನಡುವೆ ನಡೆಸಲಾಗುತ್ತದೆ.

ಈ ಆವೃತ್ತಿಯು 2012 ರಲ್ಲಿ ಪ್ರಾರಂಭವಾದಾಗಿನಿಂದ JIMEX ನ 12 ನೇ ವಾರ್ಷಿಕೋತ್ಸವವನ್ನು ಸೂಚಿಸುತ್ತದೆ.

ರಿಂಪ್ಯಾಕ್ ಕಡಲ ವ್ಯಾಯಾಮ

• ಆವೃತ್ತಿ: 29
• 2024 ರ ವಿಷಯ: ಪಾರ್ಟನರ್ಸ್: ಇಂಟಿಗ್ರೇಟೆಡ್ ಅಂಡ್ ಪ್ರಿಪೇರ್ಡ್(ಪಾಲುದಾರರು: ಸಂಘಟಿತರಾಗಿ ಮತ್ತು ಸಿದ್ದರಾಗಿ)
• ಉದ್ದೇಶ: ಜಪಾನ್ ಮ್ಯಾರಿಟೈಮ್ ಸೆಲ್ಫ್ ಡಿಫೆನ್ಸ್ ಫೋರ್ಸ್ (JMSDF), US ನೌಕಾ ದಳ ಮತ್ತು ಇತರ ಪಾಲುದಾರ ನೌಕಾಪಡೆಗಳೊಂದಿಗೆ ಪರಸ್ಪರ ಕಾರ್ಯಸಾಧ್ಯತೆಯನ್ನು ಹೆಚ್ಚಿಸುವುದು.
• ಭಾಗವಹಿಸುವವರು: 29 ರಾಷ್ಟ್ರಗಳು, 40 ಮೇಲ್ಮೈ ಹಡಗುಗಳು, 3 ಜಲಾಂತರ್ಗಾಮಿ ನೌಕೆಗಳು, 14 ರಾಷ್ಟ್ರೀಯ ಭೂ ಪಡೆಗಳು, 150 ಕ್ಕೂ ಹೆಚ್ಚು ವಿಮಾನಗಳು ಮತ್ತು 25,000 ಕ್ಕೂ ಹೆಚ್ಚು ಸಿಬ್ಬಂದಿ
• 1971 ರಿಂದ ದ್ವೈವಾರ್ಷಿಕವಾಗಿ ನಡೆಯುವ ವಿಶ್ವದ ಅತಿದೊಡ್ಡ ಅಂತರಾಷ್ಟ್ರೀಯ ಕಡಲ ವ್ಯಾಯಾಮ.
• 1974 ರವರೆಗೆ ವಾರ್ಷಿಕವಾಗಿ ನಡೆಸಲಾಯಿತು, ಪಾಲ್ಗೊಳ್ಳುವ ದೇಶಗಳ ಸಂಖ್ಯೆ ಹೆಚ್ಚಾದ ಕಾರಣದಿಂದಾಗಿ  ದ್ವೈವಾರ್ಷಿಕವಾಗಿ  ನಡೆಸಲಾಗುತ್ತಿದೆ
• ಭಾರತವು ಮೊದಲ ಬಾರಿಗೆ 2014 ರಲ್ಲಿ ಭಾಗವಹಿಸಿತು. ಆಗ ಸ್ಥಳೀಯವಾಗಿ ನಿರ್ಮಿಸಲಾದ ಶಿವಾಲಿಕ್ ಕ್ಲಾಸ್ ಸ್ಟೆಲ್ತ್ ಫ್ರಿಗೇಟ್ INS ಸಹ್ಯಾದ್ರಿ RIMPAC ನಲ್ಲಿ ಭಾಗವಹಿಸಿತ್ತು

INS ಶಿವಾಲಿಕ್ ಬಗ್ಗೆ:

• ಇದು ಭಾರತೀಯ ನೌಕಾಪಡೆಗಾಗಿ ನಿರ್ಮಿಸಲಾದ ಸ್ಟೆಲ್ತ್ ಮಲ್ಟಿ-ರೋಲ್ ಫ್ರಿಗೇಟ್‌ ವರ್ಗದ ಪ್ರಮುಖ ಹಡಗು.
• ಇದು ಭಾರತ ನಿರ್ಮಿಸಿದ ಮೊದಲ ಸ್ಟೆಲ್ತ್ ಯುದ್ಧನೌಕೆ(ಒಂದು ಅಥವಾ ಹೆಚ್ಚಿನ ರಾಡಾರ್ ಗಳು ಕೂಡ ಗುರುತಿಸಲು ಸಾಧ್ಯವಾಗದಂತೆ ನಿರ್ಮಿಸಲಾದ ವಿಶೇಷ ಹಡಗಾಗಿದೆ)ಯಾಗಿದೆ.
• ನಿರ್ಮಾಣ: ಇದನ್ನು ಮುಂಬೈನಲ್ಲಿರುವ ಮಜಗಾನ್ ಡಾಕ್ ಲಿಮಿಟೆಡ್ (MDL) ನಲ್ಲಿ ನಿರ್ಮಿಸಲಾಗಿದೆ.
• ನಿಯೋಜನೆ: ಏಪ್ರಿಲ್ 29, 2010
• ಗರಿಷ್ಠ ವೇಗ: 32 ನಾಟ್ ಗಳು (59 ಕಿಮೀ/ಗಂ)
• ಇದು ಸಂಯೋಜಿತ ಡೀಸೆಲ್ ಅಥವಾ ಅನಿಲ (CODOG) ಪ್ರೊಪಲ್ಷನ್ ಸಿಸ್ಟಮ್ ಅನ್ನು ಬಳಸಿದ ಮೊದಲ ಭಾರತೀಯ ನೌಕಾಪಡೆಯ ಹಡಗು.

ಇದು ರಷ್ಯನ್, ಭಾರತೀಯ ಮತ್ತು ಪಾಶ್ಚಿಮಾತ್ಯ ಶಸ್ತ್ರಾಸ್ತ್ರ ವ್ಯವಸ್ಥೆಗಳ ಮಿಶ್ರಣವನ್ನು ಹೊಂದಿದೆ.