ಸುದ್ದಿಯಲ್ಲಿ ಏಕಿದೆ? ಕೃಷಿ ಮತ್ತು ಗ್ರಾಮೀಣ ಅಭಿವೃದ್ಧಿಗೆ  ರಾಷ್ಟ್ರೀಯ ಬ್ಯಾಂಕ್(ನಬಾರ್ಡ್) ಮುಂಬೈನಲ್ಲಿ ‘ಅಗ್ರಿ-ಶ್ಯೂರ್’ ಫಂಡ್, ನವೋದ್ಯಮಗಳು ಮತ್ತು ಗ್ರಾಮೀಣ ಉದ್ಯಮಗಳಿಗೆ ಕೃಷಿ ನಿಧಿಯನ್ನು ಘೋಷಿಸಲು ಪೂರ್ವಭಾವಿ ಪಾಲುದಾರರ ಸಭೆಯನ್ನು ನಡೆಸಿತು.

ಮುಖ್ಯಾಂಶಗಳು

• ನಬಾರ್ಡ್‌ನ ಅಂಗಸಂಸ್ಥೆಯಾದ NABVENTURES ನಿಂದ ₹750 ಕೋಟಿಗಳ ಆರಂಭಿಕ ಹೂಡಿಕೆ ಹಣವನ್ನು, ನಬಾರ್ಡ್ ಮತ್ತು ಕೃಷಿ ಸಚಿವಾಲಯದಿಂದ ತಲಾ 250 ಕೋಟಿಗಳು ಮತ್ತು ಇತರ ಸಂಸ್ಥೆಗಳಿಂದ 250 ಕೋಟಿಗಳು ನಿಧಿಯನ್ನು ಘೋಷಿಸಲಾಗಿದೆ.
• ಈ ಉಪಕ್ರಮವು ಕೃಷಿ ಮತ್ತು ಸಂಬಂಧಿತ ಪ್ರದೇಶಗಳಲ್ಲಿ ನವೀನ, ತಂತ್ರಜ್ಞಾನ-ಚಾಲಿತ, ಹೆಚ್ಚಿನ ರಿಸ್ಕ್ ಮತ್ತು ಹೆಚ್ಚಿನ ಪ್ರಭಾವದ ಚಟುವಟಿಕೆಗಳಲ್ಲಿ ಹೂಡಿಕೆಯನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿದೆ.
• NABVENTURES ನಿಂದ ನಿರ್ವಹಿಸಲ್ಪಡುವ ಈ ನಿಧಿಯು ಅವಧಿಯ ಅಂತ್ಯದ ವೇಳೆಗೆ ಸುಮಾರು 85 ಕೃಷಿ ನವೋದ್ಯಮಗಳಿಗೆ ತಲಾ ₹25 ಕೋಟಿಗಳಷ್ಟು ಹೂಡಿಕೆಯ ಗಾತ್ರವನ್ನು ಬೆಂಬಲಿಸಲು ರಚನೆಯಾಗಿದೆ.
• ನಿಧಿಯು ನಿರ್ದಿಷ್ಟ ವಲಯ ಅಥವಾ ಕ್ಷೇತ್ರ(ಸೆಕ್ಟರ್ ಸ್ಪೆಸಿಫಿಕ್), ಸೆಕ್ಟರ್-ಅಗ್ನೋಸ್ಟಿಕ್ (ಯಾವುದೇ ನಿರ್ದಿಷ್ಟ ಉದ್ಯಮ ಅಥವಾ ವಲಯಕ್ಕೆ ಸೀಮಿತವಾಗಿಲ್ಲ) ಮತ್ತು ಸಾಲದ ಪರ್ಯಾಯ ಹೂಡಿಕೆ ನಿಧಿಗಳಲ್ಲಿ (AIF ಗಳು) ಹೂಡಿಕೆಗಳ ಮೂಲಕ ಬೆಂಬಲವನ್ನು ಒದಗಿಸುತ್ತದೆ, ಜೊತೆಗೆ ನವೋದ್ಯಮಗಳಿಗೆ ನೇರ ಇಕ್ವಿಟಿ ಬೆಂಬಲವನ್ನು ನೀಡುತ್ತದೆ.

ಉದ್ದೇಶ ಮತ್ತು ಗುರಿ

• ಕೃಷಿಯಲ್ಲಿ ನವೀನ, ತಂತ್ರಜ್ಞಾನ-ಚಾಲಿತ ಉಪಕ್ರಮಗಳನ್ನು ಉತ್ತೇಜಿಸುವುದು, ಕೃಷಿ ಉತ್ಪನ್ನ ಮೌಲ್ಯ ಸರಪಳಿಯನ್ನು ಹೆಚ್ಚಿಸುವುದು, ಹೊಸ ಗ್ರಾಮೀಣ ಪರಿಸರ ವ್ಯವಸ್ಥೆಯ ಸಂಪರ್ಕಗಳು ಮತ್ತು ಮೂಲಸೌಕರ್ಯಗಳನ್ನು ಸೃಷ್ಟಿಸುವುದು, ಉದ್ಯೋಗವನ್ನು ಸೃಷ್ಟಿಸುವುದು ಮತ್ತು ರೈತ ಉತ್ಪಾದಕ ಸಂಸ್ಥೆಗಳನ್ನು (ಎಫ್‌ಪಿಒ) ಬೆಂಬಲಿಸುವುದು ಅಗ್ರಿ-ಶ್ಯೂರ್‌ನ ಕೇಂದ್ರೀಕೃತ ಕ್ಷೇತ್ರಗಳು.
• ಐಟಿ-ಆಧಾರಿತ ಪರಿಹಾರಗಳು ಮತ್ತು ರೈತರಿಗೆ ಯಂತ್ರೋಪಕರಣಗಳ ಬಾಡಿಗೆ ಸೇವೆಗಳ ಮೂಲಕ ಉದ್ಯಮಶೀಲತೆಯನ್ನು ಉತ್ತೇಜಿಸಲು ಈ ನಿಧಿಯು ಗುರಿಯನ್ನು ಹೊಂದಿದೆ, ಕೃಷಿ ವಲಯದಲ್ಲಿ ಸುಸ್ಥಿರ ಬೆಳವಣಿಗೆ ಮತ್ತು ಅಭಿವೃದ್ಧಿಗೆ ಚಾಲನೆ ನೀಡುತ್ತದೆ.

ನಿಮಗಿದು ತಿಳಿದಿರಲಿ

ನಾವೀನ್ಯತೆಯನ್ನು ಉತ್ತೇಜಿಸುವ ತನ್ನ ಬದ್ಧತೆಯನ್ನು ಒತ್ತಿಹೇಳುತ್ತಾ, ನಬಾರ್ಡ್ ಅಗ್ರಿಸೂರ್ ಗ್ರೀನ್‌ಥಾನ್ 2024 ಅನ್ನು ಪ್ರಾರಂಭಿಸಿತು.

ಹ್ಯಾಕಥಾನ್ ಮೂರು ಪ್ರಮುಖ ಸಮಸ್ಯೆಗಳನ್ನು ಪರಿಹರಿಸುವ ಗುರಿಯನ್ನು ಹೊಂದಿದೆ:

ಬಜೆಟ್‌ನಲ್ಲಿ ಸ್ಮಾರ್ಟ್ ಕೃಷಿ: ಇದು ಸಣ್ಣ ಮತ್ತು ಅತಿ ಸಣ್ಣ ರೈತರಿಗೆ ಅಡ್ಡಿಯಾಗುವ ಸುಧಾರಿತ ಕೃಷಿ ತಂತ್ರಜ್ಞಾನಗಳ ಹೆಚ್ಚಿನ ವೆಚ್ಚವನ್ನು ನಿಭಾಯಿಸುತ್ತದೆ;

ಕೃಷಿ-ತ್ಯಾಜ್ಯವನ್ನು ಲಾಭದಾಯಕ ವ್ಯಾಪಾರ ಅವಕಾಶಗಳಾಗಿ ಪರಿವರ್ತಿಸುವುದು: ಕೃಷಿ ತ್ಯಾಜ್ಯವನ್ನು ಲಾಭದಾಯಕ ಉದ್ಯಮಗಳಾಗಿ ಪರಿವರ್ತಿಸುವುದರ ಮೇಲೆ ಕೇಂದ್ರೀಕರಿಸುವುದು

ಟೆಕ್(ತಾಂತ್ರಿಕ) ಪರಿಹಾರಗಳು ಪುನರುತ್ಪಾದಕ ಕೃಷಿಯನ್ನು ಲಾಭದಾಯಕವಾಗಿಸುತ್ತದೆ: ಇದು ಪುನರುತ್ಪಾದಕ ಕೃಷಿ ಪದ್ಧತಿಗಳನ್ನು ಅಳವಡಿಸಿಕೊಳ್ಳುವಲ್ಲಿ ಆರ್ಥಿಕ ಅಡಚಣೆಗಳನ್ನು ನಿವಾರಿಸುವ ಗುರಿಯನ್ನು ಹೊಂದಿದೆ.

NABVENTURES ಒಂದು NABARD ನ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾಗಿದ್ದು, ಸಾಹಸೋದ್ಯಮ ಬೆಳವಣಿಗೆಯ ಇಕ್ವಿಟಿ ಫಂಡ್ ಆಗಿದ್ದು, ಇದು ಆಗ್ಟೆಕ್, ಫುಡ್‌ಟೆಕ್, ಅಗ್ರಿ/ಗ್ರಾಮೀಣ ಫಿನ್‌ಟೆಕ್ ಮತ್ತು ಗ್ರಾಮೀಣ ಹೆಲ್ತ್‌ಟೆಕ್/ಎಡ್‌ಟೆಕ್‌ನಲ್ಲಿ ಆರಂಭಿಕ ಹಂತದಿಂದ ಮಧ್ಯದ ಹಂತದಲ್ಲಿ ಹೂಡಿಕೆ ಮಾಡುತ್ತದೆ