ಸುದ್ಧಿಯಲ್ಲಿ ಏಕಿದೆ?  ಸುಪ್ರೀಂ ಕೋರ್ಟ್‌ ಹಾಗೂ ರಾಜ್ಯಗಳ ಹೈಕೋರ್ಟ್‌ ನ್ಯಾಯಮೂರ್ತಿಗಳ ನಿವೃತ್ತಿ ವಯಸ್ಸು 65 ವರ್ಷ ಮೀರಬಾರದು ಎಂದು ಸುಪ್ರೀಂ ಕೋರ್ಟ್ ನ್ಯಾಯಮೂರ್ತಿ ಎಸ್. ರವೀಂದ್ರ ಭಟ್ ಹೇಳಿದ್ದಾರೆ.

ಹಿನ್ನಲೆ

• ನ್ಯಾಯಾಧೀಶರ ನಿವೃತ್ತಿ ವಯಸ್ಸು ಏರಿಕೆ ಮಾಡಬೇಕೆಂದು ದಿಲ್ಲಿ ಹೈಕೋರ್ಟ್ ನ್ಯಾಯಮೂರ್ತಿಗಳು ನೀಡಿದ್ದ ಹೇಳಿಕೆಯನ್ನ ಅವರು ತಳ್ಳಿ ಹಾಕಿದ್ದಾರೆ.
• ಹೈಕೋರ್ಟ್‌ಗಳ ನ್ಯಾಯಮೂರ್ತಿಗಳ ನಿವೃತ್ತಿ ವಯಸ್ಸನ್ನು 65 ವರ್ಷಗಳವರೆಗೂ ಏರಿಕೆ ಮಾಡಬಹುದೇನೋ.. ಆದ್ರೆ, ಅದಕ್ಕಿಂತಾ ಹೆಚ್ಚು ವಿಸ್ತರಣೆ ಬೇಡ ನ್ಯಾಯಮೂರ್ತಿ ಭಟ್ ಅಭಿಪ್ರಾಯಪಟ್ಟಿದ್ದಾರೆ.

ನ್ಯಾಯಮೂರ್ತಿಗಳ ನಿವೃತ್ತಿ ವಯಸ್ಸು

• ಸದ್ಯ ಸುಪ್ರೀಂ ಕೋರ್ಟ್‌ ನ್ಯಾಯಮೂರ್ತಿಗಳ ನಿವೃತ್ತಿ ವಯಸ್ಸು 65 ವರ್ಷಕ್ಕೆ ನಿಗದಿಯಾಗಿದೆ. ಆದ್ರೆ, ಹೈಕೋರ್ಟ್‌ಗಳ ನ್ಯಾಯಮೂರ್ತಿಗಳ ನಿವೃತ್ತಿ ವಯಸ್ಸನ್ನು 62 ವರ್ಷಕ್ಕೆ ಸೀಮಿತ ಮಾಡಲಾಗಿದೆ.

ವಯೋಮಿತಿ ಹೆಚ್ಚಳಕ್ಕೆ ವಿರೋಧವೇಕೆ ?

• ನಿವೃತ್ತಿ ವಯಸ್ಸಿನ ಮಿತಿಯನ್ನು ಏರಿಕೆ ಮಾಡೋದನ್ನು ವಿರೋಧಿಸಿರುವ ನ್ಯಾಯಮೂರ್ತಿ ಭಟ್, ನಮಗಿಂತಾ ಕಿರಿಯರಿಗೆ ಅವಕಾಶಗಳು ಸಿಗಬೇಕು, ಅವರು ನ್ಯಾಯಮೂರ್ತಿಗಳಾಗಿ ಸೇವೆ ಸಲ್ಲಿಸಬೇಕೆಂದು ಅಭಿಪ್ರಾಯಪಟ್ಟಿದ್ದಾರೆ.
• ಕಿರಿಯರು ನ್ಯಾಯ ಪೀಠಕ್ಕೆ ಬಂದರೆ ಹೊಸ ಮನಸ್ಥಿತಿ, ಯೋಜನೆಗಳನ್ನು ಹೊತ್ತು ಬರುತ್ತಾರೆ. ಪೀಠಕ್ಕೆ ಉತ್ಸಾಹ ಹಾಗೂ ಹೊಸತನ ತುಂಬುತ್ತಾರೆ. ಹೊಸ ಮಾಹಿತಿಗಳೊಂದಿಗೆ ಅವರು ಬರುತ್ತಾರೆ.