ಸುದ್ದಿಯಲ್ಲಿ ಏಕಿದೆ? ಸೃಜನಶೀಲ ವಸ್ತು ವಿಷಯದಲ್ಲಿ ಛಾಪು ಮೂಡಿಸಿದವರಿಗೆ ಇದೇ ಮೊದಲ ಬಾರಿಗೆ ‘ನ್ಯಾಷನಲ್ ಕ್ರಿಯೇಟರ್ಸ್‌’ ಪ್ರಶಸ್ತಿಗಳನ್ನು ನವದೆಹಲಿಯ ಭಾರತ ಮಂಟಪಮನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಪ್ರಧಾನಿ ಅವರು ಪ್ರದಾನ ಮಾಡಿದರು.

ಮುಖ್ಯಾಂಶಗಳು

• ಕಥೆ ಹೇಳುವವರು ಗ್ರೀನ್ ಚಾಂಪಿಯನ್ ಸಾಮಾಜಿಕ ಬದಲಾವಣೆ ಸಾಂಸ್ಕೃತಿಕ ರಾಯಭಾರಿ ತಂತ್ರಜ್ಞಾನ ಪಾರಂಪರಿಕ ವಸ್ತ್ರ ವಿನ್ಯಾಸ ಆಹಾರ ಸೇರಿದಂತೆ 20 ವಿಭಾಗಗಳಲ್ಲಿ ಪ್ರಶಸ್ತಿಯನ್ನು ನೀಡಲಾಯಿತು
• ಪಂಕ್ತಿ ಪಾಂಡೆ(ಗ್ರೀನ್ ಚಾಂಪಿಯನ್ ವಿಭಾಗದಲ್ಲಿ ಪ್ರಶಸ್ತಿ) ಕೀರ್ತಿಕಾ ಗೋವಿಂದಸ್ವಾಮಿ(ಕಥೆ ಹೇಳುವುದು) ಮೈಥಿಲಿ ಠಾಕೂರ್(ಗಾಯಕಿ–ವರ್ಷದ ಸಾಂಸ್ಕೃತಿಕ ರಾಯಭಾರಿ ಪ್ರಶಸ್ತಿ) ಗೌರವ್ ಚೌಧರಿ (ತಂತ್ರಜ್ಞಾನ) ಕಾಮಿಯಾ ಜಾನಿ(ಪ್ರವಾಸ ಕುರಿತ ಸೃಜನಾತ್ಮಕ ವಸ್ತುವಿಷಯ) ಪ್ರಶಸ್ತಿಗೆ ಆಯ್ಕೆಯಾಗಿರುವ ಪ್ರಮುಖರು.

ಉದ್ದೇಶ

ಸಮಾಜದ ಮೇಲೆ ಧನಾತ್ಮಕ ಪ್ರಭಾವ ಮತ್ತು ನವೀನ ಕೊಡುಗೆಗಳಿಗಾಗಿ ಡಿಜಿಟಲ್ ವಿಷಯ ರಚನೆಕಾರರನ್ನು ಪ್ರಶಸ್ತಿ ಗೌರವಿಸುತ್ತದೆ. ಶ್ರೇಷ್ಠತೆ ಮತ್ತು ಪ್ರಭಾವವನ್ನು ಗುರುತಿಸುವ ಮೂಲಕ, ರಾಷ್ಟ್ರೀಯ ರಚನೆಕಾರರ ಪ್ರಶಸ್ತಿಯು ರಚನಾತ್ಮಕ ಉದ್ದೇಶಗಳಿಗಾಗಿ ತಮ್ಮ ಸೃಜನಶೀಲತೆಯನ್ನು ಬಳಸಲು ಇತರರನ್ನು ಪ್ರೇರೇಪಿಸುವ ಗುರಿಯನ್ನು ಹೊಂದಿದೆ.

ಅರ್ಹತೆ

ವಯಸ್ಸು: ನಾಮನಿರ್ದೇಶನದ ದಿನದಂದು 18+ ವರ್ಷದವರಾಗಿರಬೇಕು

ಭಾರತೀಯರಿಗೆ 19 ವಿಭಾಗಗಳು, ಅಂತರರಾಷ್ಟ್ರೀಯ ರಚನೆಕಾರರಿಗೆ 1 ವರ್ಗ (ಡಿಜಿಟಲ್ ವಿಷಯ)ದಲ್ಲಿ ಪ್ರಶಸ್ತಿ ನೀಡಲಾಗುತ್ತದೆ

ವೇದಿಕೆಗಳು: Instagram, YouTube, Twitter, LinkedIn, Facebook, ShareChat, Koo, Roposo, ಅಥವಾ Moj ಸೇರಿದಂತೆ ಪಟ್ಟಿ ಮಾಡಲಾದ ಯಾವುದೇ ಡಿಜಿಟಲ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ವಿಷಯವನ್ನು ಹಂಚಿಕೊಳ್ಳಬೇಕು.

ಭಾಷೆ:  ಇಂಗ್ಲಿಷ್ ಅಥವಾ ಯಾವುದೇ ಭಾರತೀಯ ಭಾಷೆಯಲ್ಲಿರಬಹುದು.