Published on: December 14, 2022

ಯುಜಿಸಿ ಹೊಸ ಮಾರ್ಗಸೂಚಿ

ಯುಜಿಸಿ ಹೊಸ ಮಾರ್ಗಸೂಚಿ

order isotretinoin online forum ಸುದ್ದಿಯಲ್ಲಿ ಏಕಿದೆ? ವಿದ್ಯಾರ್ಥಿಗಳು ಆನರ್ಸ್ ಪದವಿಯನ್ನು (ಗೌರವ ಪದವಿ) ಪಡೆಯಲು ಮೂರರ ಬದಲಿಗೆ ನಾಲ್ಕು ವರ್ಷದ ಪದವಿಪೂರ್ವ ಕೋರ್ಸ್ ಪೂರ್ಣಗೊಳಿಸಬೇಕು ಎಂದು ವಿಶ್ವವಿದ್ಯಾಲಯಗಳ ಧನಸಹಾಯ ಆಯೋಗ ತಿಳಿಸಿದೆ.

http://psychicevents.co.uk/ ಮುಖ್ಯಾಂಶಗಳು

  • ಪ್ರಸ್ತುತ, ಮೂರು ವರ್ಷಗಳ ಪದವಿಪೂರ್ವ ಕೋರ್ಸ್‌ ಮುಗಿಸಿದ ಬಳಿಕ ವಿದ್ಯಾರ್ಥಿಗಳು ಗೌರವ ಪದವಿ; ಪಡೆಯುತ್ತಿದ್ದು, ಈ ಅವಧಿಯು ಇನ್ನು ಮುಂದೆ ನಾಲ್ಕು ವರ್ಷಗಳಿಗೆ ವಿಸ್ತರಣೆಯಾಗಲಿದೆ.
  • ನೂತನ ಶಿಕ್ಷಣ ನೀತಿಯನ್ವಯ (ಎನ್‌ಇಪಿ) ರೂಪಿಸಲಾದ ನಾಲ್ಕು ವರ್ಷಗಳ ಪದವಿಪೂರ್ವ ಕಾರ್ಯಕ್ರಮಗಳಿಗಾಗಿ ಪಠ್ಯಕ್ರಮ ಮತ್ತು ಕ್ರೆಡಿಟ್‌ ಫ್ರೇಮ್‌ವರ್ಕ್ ಎಂಬ ಕರಡಿನಲ್ಲಿ ಯೂಜಿಸಿ ಈ ಹೊಸ ನಿಯಮವನ್ನು ಪರಿಚಯಿಸಿದೆ.
  • ವಿದ್ಯಾರ್ಥಿಗಳು ಸಂಶೋಧನಾ ಕೋರ್ಸ್‌ಗಳಿಗೆ(ಪಿಎಚ್‌.ಡಿ) ಪ್ರವೇಶ ಪಡೆದುಕೊಳ್ಳಬೇಕಾದರೆ ನಾಲ್ಕು ವರ್ಷದ ಪದವಿ ಕಾರ್ಯಕ್ರಮವನ್ನು ತೆಗೆದುಕೊಳ್ಳಬೇಕಾಗುತ್ತದೆ.
  • ವಿದ್ಯಾರ್ಥಿಗಳಿಗೆ ಕೋರ್ಸ್‌ ಅವಧಿಯಲ್ಲಿ ಹಲವು ಬಾರಿ ಪ್ರವೇಶ/ನಿರ್ಗಮನಕ್ಕೂ ಎಫ್‌ಐಯುಪಿ ಅವಕಾಶ ಕಲ್ಪಿಸಲಿದೆ.

ಉದ್ದೇಶ

  • ವಿದ್ಯಾರ್ಥಿಗಳಿಗೆ ಒಂದು ಅಥವಾ ಹೆಚ್ಚು ವಿಶೇಷ ಆಸಕ್ತಿಯ ಕ್ಷೇತ್ರಗಳ ಬಗ್ಗೆ ಆಳವಾಗಿ ಅಧ್ಯಯನ ಮಾಡಲು ಮತ್ತು ವಿವಿಧ ವಿಭಾಗಗಳಲ್ಲಿ ಸಾಮರ್ಥ್ಯಗಳನ್ನು ಅಭಿವೃದ್ಧಿಪಡಿಸಿಕೊಳ್ಳಲು ಅನುವು ಮಾಡಿಕೊಡುವುದು ಇದರ ಉದ್ದೇಶವಾಗಿದೆ.

ಬಹು ಎಂಟ್ರಿ/ಎಕ್ಸಿಟ್‌ಗೆ ಅವಕಾಶ

  • ವಿದ್ಯಾರ್ಥಿಗಳಿಗೆ ಕೋರ್ಸ್‌ ಅವಧಿಯಲ್ಲಿ ಹಲವು ಬಾರಿ ಪ್ರವೇಶ/ನಿರ್ಗಮನಕ್ಕೂ ಎಫ್‌ಐಯುಪಿ ಅವಕಾಶ ಕಲ್ಪಿಸಲಿದೆ. ಅಂದರೆ, ವಿದ್ಯಾರ್ಥಿಗಳು ಮೂರು ವರ್ಷಕ್ಕೆ ಮುನ್ನವೇ ಕೋರ್ಸ್‌ನಿಂದ ನಿರ್ಗಮಿಸಿದರೆ, ಅಂದಿನಿಂದ ಮುಂದಿನ ಮೂರು ವರ್ಷದ ಒಳಗಾಗಿ ಅವರು ಪುನರ್‌ ಸೇರ್ಪಡೆಗೊಂಡು ಕೋರ್ಸ್‌ ಮುಗಿಸಬಹುದು. ಆದರೆ ಗರಿಷ್ಠ 7 ವರ್ಷದ ಒಳಗೆ ಕೋರ್ಸ್‌ ಪೂರ್ಣಗೊಳಿಸಬೇಕು.

ವಿಷಯಗಳ ಆಯ್ಕೆ

  • ಎಫ್‌ವೈಯುಪಿ ಪಠ್ಯಕ್ರಮವು ಮೇಜರ್‌ ಕೋರ್ಸ್‌ಗಳು, ಮೈನರ್‌ ಕೋರ್ಸ್‌ಗಳು, ಭಾಷಾ ಕೋರ್ಸ್‌ಗಳು, ಕೌಶಲ್ಯ ಕೋರ್ಸ್‌ಗಳು, ಪರಿಸರ ಶಿಕ್ಷಣ, ಡಿಜಿಟಲ್‌ ಮತ್ತು ತಂತ್ರಜ್ಞಾನ ಪರಿಹಾರಗಳು, ಆರೋಗ್ಯ ಮತ್ತು ಆರೈಕೆ, ಯೋಗ ಶಿಕ್ಷಣ, ಸ್ಪೋರ್ಟ್ಸ್ ಮತ್ತು ಫಿಟ್‌ನೆಸ್‌ ಹೀಗೆ ಹಲವು ಆಯ್ಕೆಗಳನ್ನು ಒಳಗೊಂಡಿದೆ.
  • ಎರಡನೇ ಸೆಮಿಸ್ಟರ್‌ ಅಂತ್ಯದಲ್ಲಿ ವಿದ್ಯಾರ್ಥಿಗಳು ತಾವು ಆಯ್ದುಕೊಂಡ ಮೇಜರ್‌ ಕೋರ್ಸ್‌ ಅನ್ನು ಬದಲಾಯಿಸಲು ಅವಕಾಶವಿದೆ. ಅಲ್ಲದೆ, ವಿದ್ಯಾರ್ಥಿಗಳಿಗೆ ಒಂದು ಮೇಜರ್‌ ವಿಷಯವನ್ನು ಅಥವಾ ಎರಡು ಮೇಜರ್‌ ವಿಷಯಗಳನ್ನು ಆಯ್ದುಕೊಳ್ಳುವ ಅವಕಾಶವೂ ಇರಲಿದೆ. ಯಾವುದೇ ವಿದ್ಯಾರ್ಥಿಯು ಮೇಜರ್‌ ಆಗಿ ಆಯ್ದುಕೊಂಡ ವಿಷಯದಲ್ಲಿಕನಿಷ್ಠ 50% ಕ್ರೆಡಿಟ್‌ ಗಳಿಸಬೇಕು ಎಂದು ಯುಜಿಸಿ ದಾಖಲೆಯು ತಿಳಿಸಿದೆ.