ಸುದ್ದಿಯಲ್ಲಿ ಏಕಿದೆ? ಭೋಪಾಲ್‌ನ ತಾತ್ಯಾ ಟೋಪಿ ನಗರ ಕ್ರೀಡಾಂಗಣದಲ್ಲಿ ನಡೆದ ವರ್ಣರಂಜಿತ ಸಮಾರಂಭದಲ್ಲಿ ಕೇಂದ್ರ ಕ್ರೀಡಾ ಮತ್ತು ಯುವ ವ್ಯವಹಾರಗಳ ಸಚಿವ ಅನುರಾಗ್ ಸಿಂಗ್ ಠಾಕೂರ್ ಮತ್ತು ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾಣ್ ಖೇಲೋ ಇಂಡಿಯಾ ಯೂತ್ ಗೇಮ್ಸ್-2022 ಅನ್ನು ಉದ್ಘಾಟಿಸಿದರು.

ಮುಖ್ಯಾಂಶಗಳು

• ಐದನೇ ಆವೃತ್ತಿಯ ಖೇಲೋ ಇಂಡಿಯಾ ಯೂತ್ ಗೇಮ್ಸ್ 2022 ಮಧ್ಯಪ್ರದೇಶದಲ್ಲಿ ಪ್ರಾರಂಭವಾಗಿದ್ದು, ಫೆಬ್ರವರಿ 11 ರಂದು ಮುಕ್ತಾಯಗೊಳ್ಳಲಿವೆ.
• ಮುಂದಿನ ಐದು ವರ್ಷಗಳಲ್ಲಿ ಖೇಲೋ ಇಂಡಿಯಾಗೆ 3200 ಕೋಟಿ ಬಜೆಟ್ ನೀಡಲಾಗುವುದು. ದೇಶದ ಕ್ರೀಡಾ ಬಜೆಟ್ ಕೂಡ ಎರಡು ಸಾವಿರ ಕೋಟಿಗೆ ಏರಿಕೆಯಾಗಿದೆ.
• ಆಟಗಳಲ್ಲಿ ಸುಮಾರು 300 ಚಿನ್ನದ ಪದಕಗಳು ಸೇರಿದಂತೆ 900 ಕ್ಕೂ ಹೆಚ್ಚು ಪದಕಗಳಿಗಾಗಿ ದೇಶಾದ್ಯಂತದ ಸುಮಾರು 6 ಸಾವಿರ ಆಟಗಾರರು ಸ್ಪರ್ಧಿಸಲಿದ್ದಾರೆ.
• ಮೊದಲ ಬಾರಿಗೆ, ಕಯಾಕಿಂಗ್ ಮತ್ತು ಕ್ಯಾನೋಯಿಂಗ್ ಅನ್ನು ಈವೆಂಟ್‌ನಲ್ಲಿ ಪರಿಚಯಿಸಲಾಗಿದೆ.

ಕಯಾಕಿಂಗ್ ಕ್ಯಾನೋಯಿಂಗ್ ಅಕಾಡೆಮಿ

• ಭಾರತ ಸರ್ಕಾರವು ಇತ್ತೀಚೆಗೆ ಕಯಾಕಿಂಗ್ ಮತ್ತು ಕೆನೋಯಿಂಗ್ ಕ್ರೀಡೆಗಳನ್ನು ಮುನ್ನೆಲೆಗೆ ತರುತ್ತಿದೆ. ವಿಶ್ವ ದರ್ಜೆಯ ಕಯಾಕಿಂಗ್ ಕ್ಯಾನೋಯಿಂಗ್ ಅಕಾಡೆಮಿಯನ್ನು ಕೇಂದ್ರ ಸರ್ಕಾರವು ಉತ್ತರಾಖಂಡದ ತೆಹ್ರಿಯಲ್ಲಿ ನಿರ್ಮಿಸುತ್ತಿದೆ.
• ಆಯೋಜಕರು : ಮಧ್ಯಪ್ರದೇಶ ರಾಜ್ಯ ಸರ್ಕಾರವು ಕಾರ್ಯಕ್ರಮವನ್ನು ಆಯೋಜಿಸಲಿದೆ.

ಕ್ರೀಡೆಯ ಉದ್ದೇಶ

• ಈ ಆಟಗಳು ಬಡ ಕುಟುಂಬದ ಮಕ್ಕಳಿಗೂ ಮುನ್ನಡೆಯಲು ಅವಕಾಶ ಮಾಡಿಕೊಟ್ಟಿವೆ. ಈ ಆಟಗಳ ಮೂಲಕ ಈಗ ಸ್ಥಳೀಯ ಕ್ರೀಡೆಗಳು ಮತ್ತು ಪ್ರತಿಭೆಗಳು ರಾಷ್ಟ್ರ ಮತ್ತು ಅಂತರಾಷ್ಟ್ರೀಯ ಮಟ್ಟದಲ್ಲಿ ಛಾಪು ಮೂಡಿಸುತ್ತಿದ್ದಾರೆ.