ಸುದ್ದಿಯಲ್ಲಿ ಏಕಿದೆ?   ರಾಯಚೂರು  ಜಿಲ್ಲೆಯ ಮಸ್ಕಿ ತಾಲ್ಲೂಕಿನ ವಟಗಲ್ ಗ್ರಾಮದಲ್ಲಿ 12ನೇ ಶತಮಾನದ ಮೂರು ಶಾಸನಗಳು ಪತ್ತೆಯಾಗಿವೆ. ‘ಗ್ರಾಮದ ಆಂಜನೇಯ ದೇವಸ್ಥಾನದಲ್ಲಿ ಎರಡು ಮತ್ತು ಈಶ್ವರ ದೇವಸ್ಥಾನದ ಆವರಣದಲ್ಲಿ ಒಂದು ಶಾಸನ ಪತ್ತೆಯಾಗಿವೆ.

ಶಾಸನಗಳ  ವಿವರ

• ಎರಡು ಕಪ್ಪು ಶಿಲಾ ಶಾಸನಗಳಲ್ಲಿ ಒಂದು ಏಳು ಹೆಡೆ ನಾಗಶಿಲ್ಪದ ಪಕ್ಕದಲ್ಲಿದ್ದು 23 ಸಾಲುಗಳಿಂದ ರಚಿತವಾಗಿದೆ.
• ಕ್ರಿ.ಶ.12ನೇ (ಕ್ರಿ.ಶ. 1184-1198) ಶತಮಾನದ ಕಲ್ಯಾಣ ಚಾಲುಕ್ಯ ಅರಸ ನಾಲ್ಕನೇ ಸೋಮೇಶ್ವರನ ರಾಜ್ಯಭಾರದಲ್ಲಿ ಮಹಾಮಂಡಳೇಶ್ವರನಾಗಿ ವಟಗಲ್ ಗ್ರಾಮದ ಸುತ್ತಮುತ್ತಲಿನ ಪ್ರದೇಶದಲ್ಲಿ ಹೊಲ್ಲರಸನು ಆಳ್ವಿಕೆ ಮಾಡುತ್ತಿದ್ದ ಎನ್ನುವ ಮಾಹಿತಿ ಇದೆ ’.
• ಶಾಸನದ ಆರಂಭದಲ್ಲಿ ‘ವೊಟ್ಟುಗಲ್ಲು’ ಎನ್ನುವ ಮಾಹಿತಿ ಇದ್ದು ನಾಗವರ್ಮ ಅರಸ ಮತ್ತು ನಾಗರಸ ಎನ್ನುವವರ ಹೆಸರು ಉಲ್ಲೇಖವಾಗಿದೆ.
• ಎರಡನೇ ಶಾಸನದಲ್ಲಿ ಸೂರ್ಯ , ಚಂದ್ರ, ನಂದಿ, ಕಾಳಾಮುಖಮುನಿ ಮತ್ತು ಖಡ್ಗದ ಶಿಲ್ಪಗಳಿದ್ದು, ಕಲ್ಯಾಣ ಚಾಲುಕ್ಯ ಅರಸ ಆರನೇ ವಿಕ್ರಮಾಧಿತ್ಯನ ಹೆಸರು ಕಂಡು ಬರುತ್ತದೆ.
• ಕ್ರಿ.ಶ. 18-19ನೇ ಶತಮಾನದ ಮೂರನೇ ಶಾಸನದಲ್ಲಿ ಮೊರಟ ಎನ್ನುವ ಅಕ್ಷರವಿದ್ದು, ಅದು ಸಿರವಾರ ತಾಲ್ಲೂಕಿನ ಮಲ್ಲಟ ಗ್ರಾಮ ಎಂದು ತಿಳಿಯುತ್ತದೆ.