ಸುದ್ದಿ –  ಜಲಗರ್ಭದ ಪುರಾತತ್ವಶಾಸ್ತ್ರಜ್ಞರು ಇತ್ತೀಚೆಗೆ ಇಸಿಕ್-ಕುಲ್ ಸರೋವರದಲ್ಲಿ (Lake Issyk-Kul) ಅಡಗಿದ್ದ ನಗರವೊಂದನ್ನು ಪತ್ತೆಹಚ್ಚಿದ್ದು, ಇದು 700 ವರ್ಷಗಳ ಹಿಂದಿನ ಕಳೆದುಹೋದ ನಾಗರಿಕತೆಯನ್ನು ಅನಾವರಣಗೊಳಿಸಿದೆ.

ಇಸಿಕ್-ಕುಲ್ ಸರೋವರದ ಬಗ್ಗೆ:

• ಇದು ಈಶಾನ್ಯ ಕಿರ್ಗಿಸ್ತಾನ್‌ನಲ್ಲಿ ನೆಲೆಗೊಂಡಿದೆ.
• ಸರೋವರದ ಸುತ್ತಲೂ ಹಿಮಾವೃತವಾದ ಟಿಯಾನ್ ಶಾನ್ ಪರ್ವತಗಳು (ಸ್ವರ್ಗದ ಪರ್ವತಗಳು) ಆವರಿಸಿವೆ.
• ಇದು ಸುಮಾರು 25 ದಶಲಕ್ಷ ವರ್ಷಗಳ ಹಿಂದೆ ರೂಪುಗೊಂಡಿದೆ ಮತ್ತು ಇದು ಆಂತರಿಕ ಜಲಾನಯನ ಪ್ರದೇಶವನ್ನು (endorheic basin) ಹೊಂದಿದೆ, ಅಂದರೆ ನದಿಗಳು ಅಥವಾ ಸಾಗರಗಳಂತಹ ಇತರ ಜಲಮೂಲಗಳಿಗೆ ಇದು ಯಾವುದೇ ಹೊರಹರಿವನ್ನು ಹೊಂದಿಲ್ಲ.
• ಸರೋವರದ ನೀರು ನೀಲಿ ಬಣ್ಣದ್ದಾಗಿದ್ದು, ಚೌಳಾಗಿದೆ (brackish).
• ಇದು 1600 ಮೀಟರ್ ಎತ್ತರದಲ್ಲಿದೆ. ದಕ್ಷಿಣ ಅಮೆರಿಕಾದ ಟಿಟಿಕಾಕಾ ಸರೋವರದ ನಂತರ, ಇದು ಪ್ರಪಂಚದ ಎರಡನೇ ಅತಿದೊಡ್ಡ ಎತ್ತರದ ಪರ್ವತ ಸರೋವರವಾಗಿದೆ.
• ಈ ಸರೋವರವು 182 ಕಿ.ಮೀ ಉದ್ದ, 61 ಕಿ.ಮೀ ವರೆಗಿನ ಅಗಲ ಮತ್ತು 6,280 ಚದರ ಕಿ.ಮೀ ಮೇಲ್ಮೈ ವಿಸ್ತೀರ್ಣವನ್ನು ಹೊಂದಿದೆ.
• ಕ್ಯಾಸ್ಪಿಯನ್ ಸಮುದ್ರದ ನಂತರ ಇದು ಪ್ರಪಂಚದ ಎರಡನೇ ಅತಿದೊಡ್ಡ ಉಪ್ಪುನೀರಿನ ಸರೋವರವಾಗಿದೆ. ಇದು ಕಿರ್ಗಿಸ್ತಾನ್‌ನ ಅತಿದೊಡ್ಡ ಸರೋವರವೂ ಹೌದು.
• ಇದು 668 ಮೀಟರ್ ಆಳವನ್ನು ತಲುಪುತ್ತದೆ ಮತ್ತು ಸರಾಸರಿ 280 ಮೀಟರ್ ಆಳವನ್ನು ಹೊಂದಿದೆ. ಇದು ಪ್ರಪಂಚದ ಅತ್ಯಂತ ಆಳವಾದ ಸರೋವರಗಳ ಪಟ್ಟಿಯಲ್ಲಿ ಏಳನೇ ಸ್ಥಾನದಲ್ಲಿದೆ.
• ಇದರ ಆಳ, ಕಡಿಮೆ ಲವಣಾಂಶ ಮತ್ತು ಬೆಚ್ಚಗಿನ ಬುಗ್ಗೆಗಳ ಕಾರಣದಿಂದಾಗಿ, ಚಳಿಗಾಲದಲ್ಲಿಯೂ ಇದು ಹೆಪ್ಪುಗಟ್ಟುವುದಿಲ್ಲ. ಇಸಿಕ್-ಕುಲ್ ಎಂದರೆ “ಬಿಸಿ ಸರೋವರ” ಎಂದರ್ಥ.
• ಸರೋವರದ ತೀರದಿಂದ, ಉಪೋಷ್ಣವಲಯದಿಂದ ಹಿಡಿದು ಟಂಡ್ರಾವರೆಗಿನ ಎಲ್ಲಾ ಪ್ರಮುಖ ಭೂದೃಶ್ಯದ ಪ್ರಕಾರಗಳು ಒಂದರ ಹಿಂದೊಂದು ನಿಕಟ ಅನುಕ್ರಮದಲ್ಲಿ ಕಂಡುಬರುತ್ತವೆ.
• 1976 ರಲ್ಲಿ, ಇದನ್ನು ಅಂತರರಾಷ್ಟ್ರೀಯ ಪ್ರಾಮುಖ್ಯತೆಯುಳ್ಳ ಜೌಗು ಪ್ರದೇಶವಾಗಿ ರಾಮ್ಸರ್ (Ramsar) ಪಟ್ಟಿಯಲ್ಲಿ ಸೇರಿಸಲಾಯಿತು.