ಸುದ್ದಿ – ಮಣಿಪುರದ ಲೋಕ್ಟಕ್ ಸರೋವರದಲ್ಲಿನ ಜಲ ಮಾಲಿನ್ಯಕ್ಕೂ ಭೂ ಬಳಕೆಗೂ ಇರುವ ಸಂಬಂಧವನ್ನು ಒಂದು ಅಧ್ಯಯನವು ಜೋಡಿಸಿದೆ. ಈ ಸರೋವರವು ಕೈಬುಲ್ ಲಮಾಜೊ ರಾಷ್ಟ್ರೀಯ ಉದ್ಯಾನವನದೊಂದಿಗೆ ತನ್ನ ಭಾಗವನ್ನು ಹಂಚಿಕೊಳ್ಳುತ್ತದೆ. ಲೋಕ್ಟಕ್ ಸರೋವರವು ಈಶಾನ್ಯ ಭಾರತದ ಅತಿದೊಡ್ಡ ಸಿಹಿನೀರಿನ ಸರೋವರವಾಗಿದೆ ಮತ್ತು ಇದು ತನ್ನ ‘ಫುಂಡಿ’ಗಳಿಗೆ (ಸಸ್ಯವರ್ಗದ ತೇಲುವ ದ್ವೀಪಗಳು) ಪ್ರಸಿದ್ಧವಾಗಿದೆ. ಇದನ್ನು 1990 ರಿಂದ ‘ರಾಮ್‌ಸರ್ ತಾಣ’ ವಾಗಿಯೂ ಮತ್ತು ಪರಿಸರ ಸಮಸ್ಯೆಗಳಿಂದಾಗಿ 1993 ರಿಂದ ‘ಮಾಂಟ್ರೋ ದಾಖಲೆ’ಯ (Montreux Record) ಅಡಿಯಲ್ಲೂ ಪಟ್ಟಿಮಾಡಲಾಗಿದೆ.

ಕೈಬುಲ್ ಲಮಾಜೊ ರಾಷ್ಟ್ರೀಯ ಉದ್ಯಾನವನದ ಬಗ್ಗೆ:

• ಸ್ಥಳ: ಮಣಿಪುರದ ಬಿಷ್ಣುಪುರ ಜಿಲ್ಲೆಯ ದಕ್ಷಿಣ ಭಾಗ ಮತ್ತು ತೌಬಲ್ ಜಿಲ್ಲೆಯ ಪೂರ್ವ ಭಾಗ.
• 1954 ರಲ್ಲಿ ವನ್ಯಜೀವಿ ಅಭಯಾರಣ್ಯವೆಂದು ಮತ್ತು 1977 ರಲ್ಲಿ ರಾಷ್ಟ್ರೀಯ ಉದ್ಯಾನವನವೆಂದು ಘೋಷಿಸಲಾಯಿತು. ಇದು ವಿಶ್ವದ ಏಕೈಕ ತೇಲುವ ಉದ್ಯಾನವನವಾಗಿದೆ.
• ಲೋಕ್ಟಕ್ ಸರೋವರದಲ್ಲಿನ ‘ಫುಂಡಿ’ಯ ಅತಿದೊಡ್ಡ ಪ್ರದೇಶವು ಕೈಬುಲ್ ಲಮಾಜೊ ರಾಷ್ಟ್ರೀಯ ಉದ್ಯಾನವನದಲ್ಲಿದೆ.
• ಪ್ರಾಣಿ ಸಂಕುಲ: ಹುಬ್ಬು-ಕೊಂಬಿನ ಜಿಂಕೆ (ಸಂಗೈ), ಹಾಗ್ ಜಿಂಕೆ (Hog Deer), ನೀರುನಾಯಿ (Otter).