ಸುದ್ದಿ –  ಭಾರತದಲ್ಲಿನ ಬುಡಕಟ್ಟು ಸಮುದಾಯಗಳನ್ನು ಡಿಜಿಟಲ್ ಯುಗಕ್ಕೆ ಕೊಂಡೊಯ್ಯಲು ಮತ್ತು ಅಳಿವಿನಂಚಿನಲ್ಲಿರುವ ಅವರ ಭಾಷೆಗಳನ್ನು ರಕ್ಷಿಸಲು, ಬುಡಕಟ್ಟು ವ್ಯವಹಾರಗಳ ಸಚಿವಾಲಯವು ಮಹತ್ವದ ಉಪಕ್ರಮವನ್ನು ಕೈಗೊಂಡಿದೆ. ‘ಆದಿ ವಾಣಿ’ ಎಂಬ AI-ಚಾಲಿತ ಅನುವಾದಕದ ಬೀಟಾ ಆವೃತ್ತಿಯನ್ನು ಬಿಡುಗಡೆ ಮಾಡಲಾಗಿದೆ. ಇದು ಶಿಕ್ಷಣ, ಆಡಳಿತ ಮತ್ತು ಇತರ ಸೇವೆಗಳನ್ನು ಬುಡಕಟ್ಟು ಭಾಷೆಗಳಲ್ಲಿ ಸುಲಭವಾಗಿ ಲಭ್ಯವಾಗುವಂತೆ ಮಾಡುವ ಗುರಿ ಹೊಂದಿದೆ. ಈ ಯೋಜನೆಯು ‘ಜನಜಾತಿಯ ಗೌರವ್ ವರ್ಷ‘ದ ಅಡಿಯಲ್ಲಿ ಅಭಿವೃದ್ಧಿಪಡಿಸಲಾಗಿದೆ.

ಪ್ರಮುಖಾಂಶಗಳು:

• ಯೋಜನೆಯ ಹೆಸರು: ಆದಿ ವಾಣಿ (ಬೀಟಾ ಆವೃತ್ತಿ).
• ಅಭಿವೃದ್ಧಿಪಡಿಸಿದವರು: ಬುಡಕಟ್ಟು ವ್ಯವಹಾರಗಳ ಸಚಿವಾಲಯ ಮತ್ತು IIT ದೆಹಲಿ, ಬಿಐಟಿಎಸ್ ಪಿಲಾನಿ, ಐಐಐಟಿ ಹೈದರಾಬಾದ್ ಮತ್ತು ಐಐಐಟಿ ನವ ರಾಯ್‌ಪುರ್ ಸಂಸ್ಥೆಗಳ ಸಹಯೋಗದೊಂದಿಗೆ.
• ಉದ್ದೇಶ: ಬುಡಕಟ್ಟು ಭಾಷೆಗಳನ್ನು ಸಂರಕ್ಷಿಸುವುದು ಮತ್ತು ಬುಡಕಟ್ಟು ಸಮುದಾಯಗಳಿಗೆ ಡಿಜಿಟಲ್ ಸಂಪರ್ಕ ಕಲ್ಪಿಸುವುದು.
• ಆರಂಭಿಕ ಹಂತದ ಭಾಷೆಗಳು: ಈ ಅನುವಾದಕವು ಆರಂಭದಲ್ಲಿ ಸಂತಾಲಿ (ಒಡಿಶಾ), ಭಿಲಿ (ಮಧ್ಯಪ್ರದೇಶ), ಮುಂಡಾರಿ (ಜಾರ್ಖಂಡ್) ಮತ್ತು ಗೊಂಡಿ (ಛತ್ತೀಸ್‌ಗಡ) ಭಾಷೆಗಳನ್ನು ಬೆಂಬಲಿಸುತ್ತದೆ. ಮುಂದಿನ ಹಂತಗಳಲ್ಲಿ ಕುಯಿ ಮತ್ತು ಗಾರೊದಂತಹ ಭಾಷೆಗಳನ್ನು ಸೇರಿಸಲಾಗುವುದು.
• ಪ್ರಸ್ತುತ ಭಾಷಾ ಸ್ಥಿತಿ: 2011ರ ಜನಗಣತಿಯ ಪ್ರಕಾರ, ಭಾರತದಲ್ಲಿ ಪರಿಶಿಷ್ಟ ಪಂಗಡಗಳು 461 ಭಾಷೆಗಳು ಮತ್ತು 71 ವಿಭಿನ್ನ ಮಾತೃಭಾಷೆಗಳನ್ನು ಮಾತನಾಡುತ್ತವೆ. ಇವುಗಳಲ್ಲಿ 81 ಭಾಷೆಗಳು ದುರ್ಬಲ ಸ್ಥಿತಿಯಲ್ಲಿವೆ ಮತ್ತು 42 ತೀವ್ರವಾಗಿ ಅಳಿವಿನಂಚಿನಲ್ಲಿವೆ.
• ಕಾರ್ಯಚಟುವಟಿಕೆಗಳು: ಈ ಅಪ್ಲಿಕೇಶನ್ ಜಾನಪದ ಮತ್ತು ಮೌಖಿಕ ಪರಂಪರೆಯನ್ನು ಡಿಜಿಟಲ್ ಆಗಿ ಸಂರಕ್ಷಿಸಲು, ಡಿಜಿಟಲ್ ಸಾಕ್ಷರತೆ, ಆರೋಗ್ಯ ಸಂಬಂಧಿ ಸಂವಹನ ಮತ್ತು ಸರ್ಕಾರಿ ಯೋಜನೆಗಳ ಮಾಹಿತಿಯನ್ನು ತಲುಪಿಸಲು ಸಹಾಯಕವಾಗಿದೆ.

ಮಹತ್ವ:
‘ಆದಿ ವಾಣಿ’ ಅನುವಾದಕವು ಬುಡಕಟ್ಟು ಸಮುದಾಯಗಳ ಭಾಷಾ ಅಂತರವನ್ನು ಕಡಿಮೆ ಮಾಡುವಲ್ಲಿ ಮತ್ತು ಅವರನ್ನು ರಾಷ್ಟ್ರೀಯ ಪ್ರಗತಿಯ ಮುಖ್ಯವಾಹಿನಿಗೆ ತರುವಲ್ಲಿ ಒಂದು ಕ್ರಾಂತಿಕಾರಿ ಹೆಜ್ಜೆಯಾಗಿದೆ. ಈ ಉಪಕ್ರಮವು ಸಾಂಸ್ಕೃತಿಕ ಪರಂಪರೆಯನ್ನು ಸಂರಕ್ಷಿಸುವುದಲ್ಲದೆ, ಬುಡಕಟ್ಟು ಸಮುದಾಯಗಳ ಶಿಕ್ಷಣ, ಆಡಳಿತ ಮತ್ತು ಆರ್ಥಿಕ ಸಬಲೀಕರಣಕ್ಕೆ ಪ್ರಮುಖ ಕೊಡುಗೆ ನೀಡುತ್ತದೆ. ಇದು ಭಾರತದ ಭಾಷಾ ವೈವಿಧ್ಯತೆಯನ್ನು ಗೌರವಿಸುವ ಮತ್ತು ಡಿಜಿಟಲ್ ಸೇರ್ಪಡೆಗೆ ಬದ್ಧವಾಗಿರುವ ಒಂದು ಮಹತ್ವದ ಯೋಜನೆಯಾಗಿದೆ.