ಸುದ್ಧಿಯಲ್ಲಿ ಏಕಿದೆ? ವಿಶ್ವದ ಏಕೈಕ ಕಾಳಿಂಗ ಸರ್ಪ ಕೃತಕ ಸಂತಾನಾಭಿವೃದ್ಧಿ ಕೇಂದ್ರ ಖ್ಯಾತಿಯ ಪಿಲಿಕುಳ ನಿಸರ್ಗಧಾಮಕ್ಕೆ ಇದೀಗ ಕಾಳಿಂಗ ಸರ್ಪದ ಜತೆಗೆ ಅಪರೂಪದ ಕೆಂಚಳಿಲು ಸಂತಾನಾಭಿವೃದ್ಧಿ ಸಂಶೋಧನೆ ಮಾಡುವ ಪ್ರಾಜೆಕ್ಟನ್ನು ಕೇಂದ್ರ ಪ್ರಾಣಿ ಸಂಗ್ರಹಾಲಯ ಪ್ರಾಧಿಕಾರ ನೀಡಿದೆ.

• ಐದು ವರ್ಷಗಳಲ್ಲಿ ಈ ಅಪರೂಪದ ಸೂಕ್ಷ್ಮಜೀವಿಗಳ ಕೃತಕ ಸಂತಾನೋತ್ಪತ್ತಿ ಸಂಶೋಧನೆ ಮಾಡಬೇಕಿದ್ದು, ತಲಾ 2 ಕೋಟಿ ರೂ.ನಂತೆ 4 ಕೋಟಿ ರೂ.ವನ್ನು ಹಂತಹಂತವಾಗಿ ಬಿಡುಗಡೆ ಮಾಡಲಿದೆ. ಈ ನಿಟ್ಟಿನಲ್ಲಿ ಮಂಗಳೂರು ಸಮೀಪದ ವಾಮಂಜೂರಿನ ಪಿಲಿಕುಳ ಡಾ. ಶಿವರಾಮ ಕಾರಂತ ವನ್ಯಜೀವಿ ಧಾಮದಲ್ಲಿ ಪ್ರಕ್ರಿಯೆ ಆರಂಭಗೊಳ್ಳಲಿದೆ.
• ದೇಶದ ಸುಮಾರು 100ಕ್ಕಿಂತ ಹೆಚ್ಚು ಪ್ರಾಣಿ ಸಂಗ್ರಹಾಲಯಗಳ ಪೈಕಿ ಪ್ರಮುಖ 10ನ್ನು ಮಾತ್ರ ಈ ಸಂಶೋಧನೆಗೆ ಆಯ್ಕೆ ಮಾಡಿದ್ದು, ಒಂದೊಂದು ಪ್ರಾಣಿ ಸಂಗ್ರಹಾಲಯ, ವನ್ಯಜೀವಿ ಧಾಮಗಳಿಗೆ 1-2 ಪ್ರಾಜೆಕ್ಟ್ ನೀಡಲಾಗಿದೆ.