ಸುದ್ದಿಯಲ್ಲಿ ಏಕಿದೆ? ಜರ್ಮನಿಯಲ್ಲಿ ನಡೆಯುತ್ತಿರುವ 2023ನೇ ಸಾಲಿನ ‘ಅಂತಾರಾಷ್ಟ್ರೀಯ ಸೂಪರ್‌ ಕಂಪ್ಯೂಟರ್‌ ಸಮಾವೇಶ’ದಲ್ಲಿ  ವಿಶ್ವದ 500 ಶಕ್ತಿಶಾಲಿ ಎಐ ಸೂಪರ್‌ ಕಂಪ್ಯೂಟರ್‌ಗಳನ್ನು ಪಟ್ಟಿ ಮಾಡಲಾಗಿದ್ದು, ಇದರಲ್ಲಿ ಭಾರತದ ‘ಐರಾವತ್‌’ ಗೆ 75ನೇ ಸ್ಥಾನ ಸಿಕ್ಕಿದೆ.

ಮುಖ್ಯಾಂಶಗಳು

• ತಯಾರಕರು: ಮಹಾರಾಷ್ಟ್ರದ ಪುಣೆಯ ಸಿ-ಡಾಕ್‌ ಸಂಸ್ಥೆಯಲ್ಲಿ ಸ್ಥಾಪಿಸಲಾಗಿದೆ. ಈ ನೆಟ್‌ವೆಬ್‌ ಟೆಕ್ನಾಲಜೀಸ್‌ ಎಂಬ ಸಂಸ್ಥೆ ತಯಾರಿಸಿರುವ ಸೂಪರ್‌ ಕಂಪ್ಯೂಟರ್‌ ಆಗಿದೆ.

ಐರಾವತ್‌

• 3,170 ಟೆರಾಫ್ಲ್ಯಾಪ್‌ಗಳ ವೇಗದಲ್ಲಿ ಕಾರ್ಯನಿರ್ವಹಿಸುವ ಸಾಮರ್ಥ್ಯವನ್ನು ಹೊಂದಿದೆ
• ಭಾರತದ ಅತಿದೊಡ್ಡ ಮತ್ತು ವೇಗವಾದ, ಕೃತಕ ಬುದ್ಧಿಮತ್ತೆ ಆಧರಿತ ಸೂಪರ್‌ ಕಂಪ್ಯೂಟಿಂಗ್‌ ವ್ಯವಸ್ಥೆ ಇದಾಗಿದೆ.
• ಇದು ‘Ubuntu 20.04.2 LTS’ ಆಪರೇಟಿಂಗ್‌ ಸಿಸ್ಟಮ್‌ ಹೊಂದಿದ್ದು, 81,344 ಕೋರ್‌ಗಳ 2.25 GHz ಸಾಮರ್ಥ್ಯದ ‘ಎಎಂಡಿ ಇಪಿವೈಸಿ 78742 64ಸಿ’ ಪ್ರೊಸೆಸರ್‌ ಅನ್ನು ಹೊಂದಿದೆ.

ಭಾರತದಲ್ಲಿ ಕೃತಕ ಬುದ್ಧಿಮತ್ತೆ

• ”ಈ ಡಿಜಿಟಲ್‌ ಯುಗದಲ್ಲಿ ಕೃತಕ ಬುದ್ಧಿಮತ್ತೆಯು ಅತ್ಯಂತ ಭರವಸೆಯ ತಂತ್ರಜ್ಞಾನವಾಗಿದೆ. ಅಗಾಧ ಡೇಟಾ ಲಭ್ಯತೆ, ಬಲಶಾಲಿ ಡಿಜಿಟಲ್‌ ಆರ್ಥಿಕತೆ ಹಾಗೂ ಕೌಶಲಯುಕ್ತ ಕಾರ್ಯಪಡೆಯಿಂದಾಗಿ ಕೃತಕ ಬುದ್ಧಿಮತ್ತೆಗೆ ಭಾರತವು ಬಲಿಷ್ಠ ಪರಿಸರ ವ್ಯವಸ್ಥೆ ಹೊಂದಿದೆ. ದೇಶವು ಇದಕ್ಕೆ ತಕ್ಕ ಸ್ಪರ್ಧಾತ್ಮಕ ಪ್ರಯೋಜನಗಳನ್ನೂ ಹೊಂದಿದೆ.”
• ‘ನ್ಯಾಚುರಲ್‌ ಲ್ಯಾಂಗ್‌ವೇಜ್‌ ಪ್ರೊಸೆಸಿಂಗ್‌’, ‘ಇಮೇಜ್‌ ಪೊಸೆಷನ್‌’, ‘ಪ್ಯಾಟರ್ನ್‌ ರೆಕಗ್ನಿಷನ್‌, ‘ಮೆಡಿಕಲ್‌ ಇಮೇಜಿಂಗ್‌’, ‘ರೋಬೋಟಿಕ್ಸ್‌’, ಕೃಷಿ, ಶಿಕ್ಷಣ, ಆರೋಗ್ಯ ಮತ್ತು ಆಯಕಟ್ಟಿನ ವಲಯಗಳಿಗೆ ಪರಿಹಾರಗಳನ್ನು ಅಭಿವೃದ್ಧಿಪಡಿಸುವ ನಿಟ್ಟಿನಲ್ಲಿ ಭಾರತವು ಅನ್ವಯಿಕ ಕೃತಕ ಬುದ್ಧಿಮತ್ತೆ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿದೆ.
• ಪ್ರಯೋಜನ
  ‘ಐರಾವತ್‌’ ಸೂಪರ್‌ ಕಂಪ್ಯೂಟರ್‌ನ ಅತ್ಯಾಧುನಿಕ ರಚನೆ ಮತ್ತು ಅದ್ಭುತ ಗಣಕ ಸಾಮರ್ಥ್ಯಗಳಿಂದ ಹವಾಮಾನ ಮುನ್ಸೂಚನೆ, ಔಷಧ ಸಂಶೋಧನೆ, ಹವಾಮಾನದ ಮಾದರಿ ಮತ್ತು ಕೃತಕ ಬುದ್ಧಿಮತ್ತೆ ಮುಂತಾದ ಕ್ಷೇತ್ರಗಳಲ್ಲಿ ಕ್ರಾಂತಿಕಾರಿ ಬೆಳವಣಿಗೆಗೆ ಅವಕಾಶಗಳು ತೆರೆದುಕೊಂಡಿವೆ.