ಸುದ್ದಿಯಲ್ಲಿ ಏಕಿದೆ? ಕ್ಯೂಎಸ್ ವಿಶ್ವವಿದ್ಯಾಲಯಗಳ ರ‍್ಯಾಂಕಿಂಗ್ 2023 ಪಟ್ಟಿಯನ್ನು ಬಿಡುಗಡೆ ಮಾಡಲಾಗಿದೆ. ಮ್ಯಾಸಚೂಸೆಟ್ಸ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (MIT), ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯ ಮತ್ತು ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯವು ಜಾಗತಿಕವಾಗಿ ಮೊದಲ ಮೂರು ಸ್ಥಾನಗಳನ್ನು ಪಡೆದಿವೆ.

ಮುಖ್ಯಾಂಶಗಳು

• ಅಗ್ರ 150 ವಿಶ್ವವಿದ್ಯಾಲಯಗಳ ಪಟ್ಟಿಯಲ್ಲಿ ಐಐಟಿ ಬಾಂಬೆ 147ನೇ ಸ್ಥಾನ ಪಡೆದಿದೆ. ಭಾರತದ ಬೇರೆ ಯಾವ ವಿಶ್ವವಿದ್ಯಾಲಯಗಳು ಅಗ್ರ 150 ರಲ್ಲಿ ಸ್ಥಾನ ಪಡೆದಿಲ್ಲ.
• ಭಾರತವು ವಿಶ್ವದ 500 ವಿಶ್ವವಿದ್ಯಾಲಯಗಳಲ್ಲಿ ದೆಹಲಿ ವಿಶ್ವವಿದ್ಯಾಲಯ 407ನೇ ಸ್ಥಾನ ಪಡೆದರೆ, ಅಣ್ಣಾ ವಿಶ್ವವಿದ್ಯಾಲಯ 427ನೇ ರ್ಯಾಂಕ್ ಪಡೆಯುವ ಮೂಲಕ ಮೊದಲ ಬಾರಿಗೆ QS ವರ್ಲ್ಡ್ ರ್ಯಾಂಕಿಗ್‌ ಪಟ್ಟಿಯಲ್ಲಿ ಸ್ಥಾನ ಪಡೆದಿವೆ.
• ಕಳೆದ ಬಾರಿಗಿಂತ ಈ ಬಾರಿ 13 ಭಾರತೀಯ ವಿಶ್ವವಿದ್ಯಾನಿಲಯಗಳು QS ಶ್ರೇಯಾಂಕದಲ್ಲಿ ಕುಸಿತವನ್ನು ಕಂಡಿವೆ. IISc, ಬೆಂಗಳೂರು, 155 ರ್ಯಾಂಕ್‌ನಿಂದ 225ನೇ ರ್ಯಾಂಕ್‌ಗೆ ಕುಸಿದರೆ, IIT-ಮದ್ರಾಸ್ 285ನೇ ಸ್ಥಾನಕ್ಕೆ ಕುಸಿತ ಕಂಡಿದೆ.

ಮಾನದಂಡಗಳು

• ಸಮರ್ಥನೀಯತೆ, ಉದ್ಯೋಗದ ಫಲಿತಾಂಶಗಳು ಮತ್ತು ಅಂತರರಾಷ್ಟ್ರೀಯ ಸಂಶೋಧನಾ ಜಾಲ ಮತ್ತು ಶೈಕ್ಷಣಿಕ ಖ್ಯಾತಿ, ಉದ್ಯೋಗದಾತ ಖ್ಯಾತಿ ಮತ್ತು ಅಧ್ಯಾಪಕ-ವಿದ್ಯಾರ್ಥಿ ಅನುಪಾತದ ಮೂರು ಹೊಸ ಮೆಟ್ರಿಕ್‌ ಮೂಲಕ ತಾಳೆ ಮಾಡಿ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.

ಕ್ಯೂಎಸ್ ವರ್ಲ್ಡ್ ಯೂನಿವರ್ಸಿಟಿ ಶ್ರೇಯಾಂಕಗಳು

• ಜಾಗತಿಕ ಉನ್ನತ ಶಿಕ್ಷಣ ವಿಶ್ಲೇಷಕ ಕ್ವಾಕ್ವೆರೆಲ್ಲಿ ಸೈಮಂಡ್ಸ್ (ಕ್ಯೂಎಸ್) ಸಂಕಲಿಸಿದ ತುಲನಾತ್ಮಕ ವಿಶ್ವವಿದ್ಯಾನಿಲಯ ಶ್ರೇಯಾಂಕಗಳ ಪೋರ್ಟ್ಫೋಲಿಯೊ ಆಗಿದೆ.
• ಅದರ ಮೊದಲ ಆವೃತ್ತಿಯನ್ನು ಟೈಮ್ಸ್ ಹೈಯರ್ ಎಜುಕೇಶನ್ (THE) ನಿಯತಕಾಲಿಕದ ಸಹಯೋಗದೊಂದಿಗೆ ಟೈಮ್ಸ್ ಹೈಯರ್ ಎಜುಕೇಶನ್-ಕ್ಯೂಎಸ್ ವರ್ಲ್ಡ್ ಯೂನಿವರ್ಸಿಟಿ ಶ್ರೇಯಾಂಕಗಳು ಎಂದು ಪ್ರಕಟಿಸಲಾಯಿತು,
• ಪ್ರಾರಂಭ: 2004 ರಲ್ಲಿ
• ದೇಶ : ಯುನೈಟೆಡ್ ಕಿಂಗ್ಡಮ್