ಸುದ್ದಿಯಲ್ಲಿ ಏಕಿದೆ? ವಿಶ್ವ ಪ್ರಸಿದ್ಧ ರಾಮನಗರ ಬೊಂಬೆ ಮತ್ತು ಕೊಪ್ಪಳದ ಕಿನ್ನಾಳ ಆಟಿಕೆಗಳ ಮಾದರಿಯಲ್ಲಿ ತಯಾರಾಗಿರುವ ‘ಮಂಗಳೂರು ಬೊಂಬೆ’ಗಳು, ಅಚ್ಚುಗಳ ಬಳಕೆಯೊಂದಿಗೆ ತಂತ್ರಜ್ಞಾನ ಬಳಸಿ ಹೊಸ ಸ್ಪರ್ಶ ನೀಡಿ ಶೀಘ್ರದಲ್ಲೇ ಮಾರುಕಟ್ಟೆಯಲ್ಲಿ ಲಭ್ಯವಾಗಲಿವೆ.

ಮುಖ್ಯಾಂಶಗಳು

• ಪೇಪರ್ನ ವಿಭಿನ್ನ ಉತ್ಪನ್ನಗಳನ್ನು ತಯಾರಿಸಿ ಅವುಗಳಲ್ಲಿ ಬೀಜಗಳನ್ನು ಹಾಕಿಕೊಡುವ ಮೂಲಕ ಗಮನ ಸೆಳೆದಿದ್ದ ಪೇಪರ್ ಸೀಡ್ ವಿಲೇಜ್, ಕೋವಿಡ್–19ರ ನಂತರ ಹೊಸ ಪ್ರಯೋಗದಲ್ಲಿ ತೊಡಗಿಸಿಕೊಂಡಿದ್ದರ ಫಲವಾಗಿ ಬೊಂಬೆಗಳು ಆಕರ್ಷಿತವಾಗಿವೆ.
• ಅತಿಸಣ್ಣ, ಸಣ್ಣ ಮತ್ತು ಮಧ್ಯಮ ಕೈಗಾರಿಕೆಗಳ ಸಚಿವಾಲಯ ಹಾಗೂ ಸುರತ್ಕಲ್ನ ಎನ್ಐಟಿಕೆ ಸಹಯೋಗದ ಯೋಜನೆಯಲ್ಲಿ ತಯಾರಾಗಿರುವ ಸುಧಾರಿತ ಬೊಂಬೆಗಳು ವೈವಿಧ್ಯತೆಯಲ್ಲೂ ವಿಶಿಷ್ಟವಾಗಿದ್ದು ದೇಶದ ಸಾಂಸ್ಕೃತಿಕ ವೈಭವವನ್ನು ಬಿಂಬಿಸುತ್ತಿವೆ.
• ಬೊಂಬೆಗಳ ತಯಾರಿಕೆಯಲ್ಲಿ ಬಳಸುತ್ತಿರುವ ವಸ್ತು : ಕಾಗದದ ಪಲ್ಪ್
• ಸ್ಥಳ : ಮೂಲ್ಕಿ ಸಮೀಪದ ಪಕ್ಷಿಕೆರೆಯ ‘ಪೇಪರ್ ಸೀಡ್ ವಿಲೇಜ್’
• ಬೊಂಬೆಗಳ ವಿಶೇಷತೆ: ಗಿಡಗಳ ಬೀಜಗಳನ್ನು ಬೊಂಬೆ ಯೊಳಗಿಟ್ಟು ತಯಾರಿಸಲಾಗುತ್ತದೆ. ಬೀಜ ಇರುವ ಈ ವಸ್ತುಗಳನ್ನು ಬಳಸಿ ಎಸೆದರೆ ಮೊಳಕೆಯೊಡೆದು ಗಿಡಗಳಾಗುತ್ತವೆ.

ಪೇಪರ್ ಸೀಡ್ ವಿಲೇಜ್ನಲ್ಲಿ ತಯಾರಾಗಿರುವ ಬೊಂಬೆಗಳ ಪೈಕಿ ಯಕ್ಷಗಾನದ ಮಾದರಿಗೆ ತುಂಬ ಬೇಡಿಕೆ ಇದೆ.