ಸುದ್ಧಿಯಲ್ಲಿ ಏಕಿದೆ ?  ಅಮೆರಿಕವು ಭಾರತದೊಂದಿಗೆ 82 ಮಿಲಿಯನ್ ಡಾಲರ್ ಅಂದಾಜು ಮೊತ್ತದ ಹರ್ಪೂನ್ ಜಂಟಿ ಸಾಮಾನ್ಯ ಪರೀಕ್ಷೆ ಸಮೂಹದ ಹಡಗು ನಿರೋಧಕ ಕ್ಷಿಪಣಿಯ ಮಾರಾಟಕ್ಕೆ ಅನುಮೋದನೆ ನೀಡಿದೆ. ಇದು ಭಾರತ – ಅಮೆರಿಕ ದ್ವಿಪಕ್ಷೀಯ ರಕ್ಷಣಾ ಸಂಬಂಧವನ್ನು ವೃದ್ಧಿಸಲು ಮತ್ತು ಇಂಡೋ ಪೆಸಿಫಿಕ್ ಪ್ರದೇಶದಲ್ಲಿನ ಭದ್ರತೆಯನ್ನು ಹೆಚ್ಚಿಸಲು ನೆರವಾಗಲಿದೆ.

• ಭಾರತ ಸರಕಾರವು ಒಂದು ಹರ್ಪೂನ್ ಜಾಯಿಂಟ್ ಕಾಮನ್ ಟೆಸ್ಟ್ ಸೆಟ್ ಖರೀದಿಗೆ ಮನವಿ ಮಾಡಿತ್ತು. ಜತೆಗೆ ಹರ್ಪೂನ್ ಇಂಟರ್‌ಮೀಡಿಯೆಟ್ ಲೆವೆಲ್ ನಿರ್ವಹಣಾ ನಿಲ್ದಾಣ, ಬಿಡಿ ಹಾಗೂ ದುರಸ್ತಿ ಭಾಗಗಳು, ನೆರವು ಮತ್ತು ಪರೀಕ್ಷಾ ಸಾಧನಗಳು, ಪ್ರಕಟಣೆ ಮತ್ತು ತಾಂತ್ರಿಕ ದಾಖಲೀಕರಣ, ಸಿಬ್ಬಂದಿ ತರಬೇತಿ, ಅಮೆರಿಕ ಸರಕಾರ ಮತ್ತು ಗುತ್ತಿಗೆದಾರ ತರಬೇತಿ, ಎಂಜಿಯರಿಂಗ್, ಸಂಗ್ರಹ ಸೇವೆ ಮತ್ತು ಇನ್ನಿತರೆ ನೆರವುಗಳನ್ನು ಒದಗಿಸಲು ಇದು ಒಳಗೊಂಡಿದೆ

ಹರ್ಪೂನ್ ಬಗ್ಗೆ

• ಹರ್ಪೂನ್ ಹಡಗು ನಿರೋಧಕ ಕ್ಷಿಪಣಿಯಾಗಿದ್ದು, ಜಗತ್ತಿನ ಅತ್ಯಂತ ಯಶಸ್ವಿ ಹಡಗು ನಿರೋಧಕ ಕ್ಷಿಪಣಿ ಎನಿಸಿಕೊಂಡಿದೆ. 30ಕ್ಕೂ ಹೆಚ್ಚು ದೇಶಗಳ ಸೇನಾ ಪಡೆಗಳಲ್ಲಿ ಇದನ್ನು ಬಳಸಲಾಗುತ್ತಿದೆ. 1977ರಲ್ಲಿ ಮೊದಲ ಬಾರಿಗೆ ಬಳಕೆಗೆ ಬಂದ ಹರ್ಪೂನ್, ಎಲ್ಲ ಬಗೆಯ ಹವಾಮಾನದಲ್ಲಿ, ಎಲ್ಲ ಜಾಗಗಳಲ್ಲಿ ಕಾರ್ಯನಿರ್ವಹಣೆ ಮಾಡಬಲ್ಲದು.